Published Paper Details:

Ang pananaliksik na ito ay naglayong alamin ang impluwensya ng social media sa pagbabago ng wika ng mga mag-aaral sa Baitang 12 ng Samar National School (SNS), sa taong panuruan 2023-2024. Ang pag-aaral na ito ay gumamit ng explanatory sequential mixed method of research upang alamin ang impluwensya ng facepbook at blog post sa pagbabago ng wika. Ang kwalitatibong datos ng pag-aaral na ito ay ginamit upang ipaliwanag ang kwantitatibong kinalabasan ng pag-aaral. Ginamit ang kwantitabong-deskriptibong uri ng pananaliksik upang tayain ang mga gamit ng social media sa wika at ang impluwensiyang dulot ng social media sa wika. Ang triangulation ay ginamit upang magkaroon ng kabuuang interpretasyon at konklusyon mula sa parehong yugto ng pag-aaral. Ginamit ang narrative inquiry approach bilang kwalitatibong disenyo upang alamin ang mga benepisyong nagagawa ng social media sa wika. Ang pag-aaral na ito ay nilahukan ng 105 na mga mag-aaral sa Senior High School na kumukuha ng Science, Technology, Engineering, and Mathematics (STEM) mula sa tatlong pangkat, Ang Pangkat A, Pangkat B, at Pangkat C, sa taong panuruan 2023-2024. Complete enumeration ang ginamit na pamamaraan sa pagkuha ng mga mag-aaral na tagasagot ng pag-aaral na ito. Ang talatanungan at interview guide ang ginamit na mga instrumento upang malikom ang mga datos. Frequency count, percentage, at weighted mean ay ginamit upang bigyan ng numerikal na katuturan ang bawat datos. Ginamit din ang tematik-analisis upang tayain ang mga kwalitatibong datos. Isinagawa ang pag-aaral na ito ng mananaliksik ayon sa alituntuning etiko (ethical guidelines) sa pagsasagawa ng pag-aaral kabilang ang anonymity at privacy ng mga mag-aaral na tagasagot. Natuklasan na ang social media tulad ng facbook at blog post ay malaking impluwensiya sa wika. Ang social media ay daan sa pakikipagpalitan ng kaalaman at kaisipan ng mga mamamayan, nakapagbibigay ng tamang gamit ng wika ayon sa konteksto na hindi makikita sa libro, at nagbibigay ng malayang pakikipahayag ng mga mamamayan sa iba't ibang taong nagsasalit ng Filipino. Kung kaya dapat linangin ang paggamit ng social media sa pagtuturo at pagkatuto ng wikang Filipino.